Azərbaycan polisindən silsilə əməliyyatlar: 28 kq narkotik, silah-sursat və dələduzlar ələ keçdi

DİN fevralın 18-də həyata keçirilən əməliyyat tədbirlərinin nəticələrini açıqlayıb

         Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, ölkə ərazisində narkotik vasitələrin qanunsuz dövriyyəsi, silah-sursatın yığılması və axtarışda olan şəxslərin saxlanılması istiqamətində qətiyyətli tədbirlər davam etdirilir.

Narkotik və psixotrop maddələr dövriyyədən çıxarıldı Fevralın 18-də keçirilən əməliyyatlar nəticəsində ümumi çəkisi 27,8 kiloqramdan artıq narkotik vasitə, eləcə də 156 ədəd güclü təsiredici xassəyə malik həb aşkar edilərək götürülüb. Bu istiqamətdə mübarizə tədbirləri fasiləsiz davam edir.

Qanunsuz “arsenal”ın yığılması Polis əməkdaşları tərəfindən paytaxt və respublikanın müxtəlif rayonlarında həyata keçirilən profilaktik tədbirlər nəticəsində qanunsuz saxlanılan aşağıdakı silah-sursat ələ keçirilib:

• 2 ədəd avtomat silahı;

• 1 ədəd tapança;

• 13 ədəd tüfəng;

• 3 ədəd patron darağı və 68 ədəd müxtəlif çaplı patron.

Dələduzlar saxlanılıb, itkin düşənlər tapılıb presstvaz  xəbər verir ki, polis əməkdaşlarının peşəkarlığı sayəsində daha bir neçə uğurlu nəticə əldə olunub:

• Dələduzluğa görə axtarışda olan 12 nəfər saxlanılaraq istintaqa təhvil verilib;

• Ailə üzvlərini məlumatlandırmadan yaşadığı ünvanı tərk edən və itkin düşmüş kimi axtarılan 14 nəfər tapılaraq aidiyyəti üzrə təhvil verilib.

Daxili İşlər Nazirliyi vətəndaşların təhlükəsizliyinin təmin edilməsi və cinayətkarlıqla mübarizə istiqamətində fəaliyyətini qətiyyətlə davam etdirir.

presstvaz   – Azərbaycanın etibarlı informasiya mənbəyi