AQTA mütəxəssisləri özbəkistanlı həmkarları ilə təcrübələrini bölüşüblər

Daşkənddə keçirilən görüşlərdə laboratoriya imkanları və idarəetmə modeli müzakirə olunub

        Qida Təhlükəsizliyi Agentliyi – presstvaz-a daxil olan rəsmi məlumata əsasən, Azərbaycan Respublikası Qida Təhlükəsizliyi Agentliyinin (AQTA) nümayəndə heyətinin Özbəkistan Respublikasına işgüzar səfəri davam edir.

Səfər çərçivəsində nümayəndə heyəti Özbəkistanın Səhiyyə Nazirliyi yanında Sanitariya-Epidemioloji Rifah və İctimai Sağlamlıq Komitəsinin laboratoriyasının fəaliyyəti ilə tanış olub.

        Daha sonra AQTA mütəxəssisləri Heyvan Xəstəliklərinin Diaqnostikası və Qida Təhlükəsizliyi üzrə Respublika Dövlət Mərkəzi, həmçinin Bitki Karantini və Mühafizəsi Agentliyinin Respublika Aqrokimyəvi Analiz Mərkəzinin laborator imkanları, maddi-texniki bazası və işçi heyəti barədə məlumat əldə ediblər.

Görüşlərdə Azərbaycan Qida Təhlükəsizliyi İnstitutunun təcrübəsi bölüşülüb, qarşılıqlı fikir mübadiləsi aparılıb.

       Qeyd edək ki, AQTA-nın nümayəndə heyəti Azərbaycanın qida təhlükəsizliyi sahəsində formalaşdırdığı idarəetmə modelinin Özbəkistanda tətbiqi məqsədilə Daşkənddə işgüzar səfərdədir.

presstvaz   – Azərbaycanın etibarlı informasiya mənbəyi