Günəşdəki partlayışın Yer üçün təhlükəsi var?

Günəşdə X sinifli güclü alışma müşahidə olunub.

presstvaz xəbər verir ki, məlumatı Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası yayıb.

Laboratoriyanın açıqlamasına görə, alışma Bakı vaxtı ilə saat 03:57-də pik nöqtəyə çatıb və Günəşin 4366 nömrəli aktiv bölgəsində baş verib. Alışma zamanı bu bölgə Günəş-Yer xəttindən təxminən 35 dərəcə aralıda yerləşib.

Astronomlar vurğulayıb ki, bu mövqedən birbaşa Yerə zərbə ehtimalı yoxdur. Mövcud yan təsirlərin olub-olmaması yalnız bir neçə saat sonra dəqiqləşəcək.

Məlumatda bildirilir ki, bu hadisə indiki Günəş dövründə gücə görə üçüncü sıradadır.

Qeyd edək ki, fevralın 1-də də Günəşdə yüksək sinifli alışma baş verib. O zaman hadisənin pik nöqtəsi Bakı vaxtı ilə saat 15:33-də qeydə alınıb. Laboratoriyanın açıqlamasına görə, yaxın günlərdə yenidən güclü hadisələrin baş verməsi mümkündür. Həmçinin vurğulanıb ki, həmin alışmanın Yerə ciddi təsir göstərməsi gözlənilmir, çünki aktiv bölgə Günəş-Yer xəttindən kənarda yerləşir.