İmişlidə baş vermiş qəzada xəsarət alanların kimliyi məlum olub

İmişli rayonunda yol-nəqliyyat hadisəsində xəsarət alanların kimliyi məlum olub.

presstvaz “Report”a istinadən xəbər verir ki, onlar 1995-ci il təvəllüdlü Feyruz Rövşən oğlu Məmmədov, 1966-cı il təvəllüdlü İlyas Musa oğlu Xankişiyev və 1960-cı il təvəllüdlü Əyyam Sadiq oğlu Novruzovdur.

Yaralıların müalicəsi rayon xəstəxanasında davam edir.

Faktla bağlı araşdırmalar davam etdirilir.

27 noyabr, 12:28

İmişli rayonunda baş verən yol-nəqliyyat hadisəsi zamanı xəsarət alanların vəziyyəti açıqlanıb.

Bu barədə presstvaz-ın sorğusuna cavab olaraq Tibbi Ərazi Bölmələrini İdaretmə Birliyindən (TƏBİB) məlumat verilib.

Bildirilib ki, noyabrın 27-si saat 10:30-da İmişli rayonu ərazisində baş verən yol-nəqliyyat hadisəsi səbəbi ilə üç nəfər (kişi cinsli) İmişli Rayon Mərkəzi Xəstəxanasının Təcili tibbi yardım şöbəsinə hospitalizasiya olunub:

“Yaralılara bədənin müxtəlif nahiyələrinin travması, sol bud sümüyünün sınığı, sol sirkə kasasının sınığı diaqnozları təyin olunub və zəruri tibbi xidmətlər göstərilib.

Vəziyyəti ağır qiymətləndirilən 1995-ci il təvəllüdlü şəxs cərrahi əməliyyata götürülüb, müalicəsi Cərrahiyyə şöbəsində davam etdirilir.

1960-cı və 1966-cı il təvəllüdlü pasiyentlərin müalicəsi Təcili tibbi yardım şöbəsində davam etdirilir. Vəziyyətləri orta ağır qiymətləndirilir”.

Aygün Mirakif

27 noyabr, 11:34

İmişli rayonu ərazisində üç nəqliyyat vasitəsinin toqquşması ilə nəticələnən yol-nəqliyyat hadisəsi baş verib.

presstvaz AZƏRTAC-a istinadən xəbər verir ki, hadisə saat 11 radələrində Hacıqabul-Bəhrəmtəpə-Mincivan avtomobil yolunun İmişli rayonunun Qulubəyli kəndindən keçən hissəsində qeydə alınıb.

Qəza zamanı “Toyota”, “Mercedes” və “Hyundai” markalı avtomobillər toqquşub. Hadisə nəticəsində xəsarət alan üç nəfər İmişli Rayon Mərkəzi Xəstəxanasına yerləşdirilib.

Faktla bağlı araşdırma aparılır.