Miqreni DƏRMANSIZ zərərsizləşdirməyin yolu açıqlandı

Miqren bir çox insanın qarşılaşdığı ən ağrılı və geniş yayılmış problemlərdən biridir. Bir çoxları bu xəstəliklə dərmanlar vasitəsilə mübarizə aparmağa öyrəşib, amma miqrenlə dərmansız mübarizə aparmaq mümkündür.

presstvaz-ın kp.ru-ya istinadla verdiyi məlumata görə, bu barədə sinir sistemi xəstəliklərinin funksional diaqnostikası üzrə rusiyalı mütəxəssis Yelena Baranova danışıb.

Məlum olub ki, adətən qırışlarla mübarizə üçün istifadə olunan botulinoterapiya miqren zamanı da kömək edir. Nevroloq həkimin sözlərinə görə, botulotoksin başın xüsusi nöqtələrinə yeridilir.

“Bu metod botulotoksinin üçlü və ənsə sinirinin sinir uclarına təsiri əsasında qurulub. Bu sinirlər, üzdə və baş dərisində həssaslıqla yanaşı, beyin qişalarının və damarlarının innervasiyasında (beyinə qan axını və beyin fəaliyyəti) iştirak edir”, – deyə həkim izah edib.

Mütəxəssis qeyd edib ki, davamlı profilaktik effekt əldə etmək üçün üç ay intervalla ən azı üç botulinoterapiya proseduru keçmək lazımdır.