32 günlük körpənin anası imdad diləyir: “Uşağa yemək almağa belə çətinlik çəkirik”

32 günlük körpənin yardımsevər şəxslərin dəstəyinə ehtiyacı var.

presstvaz bildirir ki, bu barədə Oxu.Az-a onun anası Yasəmən Qarayeva məlumat verib.

O bildirib ki, övladı 32 gün əvvəl 28 həftəlik olarkən doğulub:

“Murad 32 gün əvvəl dünyaya gəlib. Mən 13 il övlad həsrəti çəkmişəm, illərlə ağır müalicələrdən sonra Murada hamilə qaldım. Hamiləliyim çox çətin və ağır keçib. 28 həftəlik hamilə olarkən həkim mütləq uşağı götürməli olduğumuzu dedi. Murad 1.3 kiloqram ağırlığında dünyaya gəldi. 14 gün küvəzdə qaldı”.

Gənc ana övladının müalicəsi üçün dəstəyə ehtiyacları olduğunu deyib:

“Muradın çəkisi az olduğu üçün həyatda qalması çox çətin idi. İnanın, küvəzdə qaldığı zaman bəlkə də 5000 manatdan çox pul xərcləmişik onu həyatda saxlamaq üçün. Sizin saytın izləyicilərinin dəstəyi ilə onun müalicələrini edə bilmişik. Hazırda Muradın çəkisi 2.3 kiloqramdır. Həkim müalicələri və qidasını düzgün edə bilsək, həkim onun vəziyyətinin yaxşıya doğru gedəcəyini deyir. Muradın yeməklərini almağa belə çətinlik çəkirik. Hazırda müalicələri davam etdirə bilmək üçün 1 500 manata ehtiyacımız var. Murad burun yolu ilə qidalanır. Yardımsevər şəxslərdən bizə dəstək olmalarını xahiş edirəm”.

Ailə ilə əlaqə: (055) 329-77-59.

“Uni Bank”: 5243 7544 4718 1999.