BNMİ-dən xüsusi əməliyyat: 51 kq narkotik və minlərlə psixotrop həb ələ keçdi

Sabiq məhkumun paytaxtda gizlətdiyi böyük narkopartiya ifşa olundu

           Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, Baş Narkotiklərlə Mübarizə İdarəsinin (BNMİ) əməkdaşları narkotik vasitələrin qanunsuz dövriyyəsinə və satışına qarşı növbəti genişmiqyaslı əməliyyat tədbiri həyata keçiriblər.

Narkotik deposu: Avtomobil və gizli sığınacaq Daxil olmuş əməliyyat məlumatı əsasında keçirilən tədbir zamanı əvvəllər güclü təsiredici xassəyə malik psixotrop maddələrin satışını təşkil etdiyinə görə məhkum olunmuş Fuad Həsənov saxlanılıb.

presstvaz   xəbər verir ki, onun idarə etdiyi avtomobilə və paytaxt ərazisində narkotikləri saxlamaq üçün istifadə etdiyi gizli yerə baxış keçirilib. Baxış zamanı aşağıdakılar aşkar edilərək dövriyyədən çıxarılıb:

• Tərkibi psixotrop maddələrlə süni şəkildə zənginləşdirilmiş 51 kiloqram 555 qram marixuana;

• 2999 ədəd metadon həbi.

İranlı narkotacirin “kuryeri” İlkin sorğu zamanı Fuad Həsənov etiraf edib ki, o, şəxsiyyəti istintaqla araşdırılan İran vətəndaşı ilə cinayət əlaqəsinə girib. F.Həsənovun tapşırığı külli miqdarda narkotik vasitəni Bakı şəhəri ərazisində müəyyən edilmiş ünvanlara yerləşdirmək (narkokuryerlik) və bunun müqabilində maddi qazanc əldə etmək olub.

            Həbs qətimkan tədbiri seçildi Faktla bağlı Baş İdarədə cinayət işi başlanılıb. Məhkəmənin qərarı ilə Fuad Həsənov barəsində həbs qətimkan tədbiri seçilib. Hazırda narkotik şəbəkəsinin digər üzvlərinin ifşa olunması istiqamətində zəruri istintaq-əməliyyat tədbirləri davam etdirilir.

presstvaz   – Azərbaycanın etibarlı informasiya mənbəyi