DİN-dən gündəlik əməliyyat məlumatı

Yanvarın 22-də cinayətlərin açılması və saxlanılanlar

       Daxili İşlər Nazirliyinin rəsmi mənbələrindən presstvaz”-a daxil olan məlumata əsasən, yanvarın 22-də ölkə ərazisində polis əməkdaşları tərəfindən aparılan əməliyyat-axtarış tədbirləri nəticəsində mühüm nəticələr əldə olunub.

Belə ki, gün ərzində ümumilikdə 62 cinayət hadisəsi, eləcə də əvvəlki dövrlərdən bağlı qalan 5 cinayətin açılması təmin edilib.

        Həyata keçirilən tədbirlərlə axtarışda olan 154 nəfər, o cümlədən borclu şəxs qismində axtarışda olan 125 nəfər saxlanılaraq aidiyyəti üzrə təhvil verilib.

Eyni zamanda, narkotik vasitələrin qanunsuz dövriyyəsi ilə bağlı 29 fakt, qanunsuz saxlanılan silah-sursatın götürülməsi və aşkarlanması ilə bağlı isə 21 fakt müəyyən edilib.

       Görülən tədbirlər nəticəsində müxtəlif cinayət əməllərini törətməkdə şübhəli bilinən 51 nəfər saxlanılıb.

Qeyd edək ki, daxili işlər orqanları tərəfindən ölkə ərazisində ictimai asayişin və təhlükəsizliyin təmin olunması istiqamətində zəruri tədbirlər ardıcıl və qətiyyətlə davam etdirilir.

presstvaz  – Azərbaycanın etibarlı informasiya mənbəyi