Balakəndə Polis Akademiyasına hazırlaşan şagirdlərlə maarifləndirici görüş keçirilib

Gələcəyin polis zabitləri Balakəndə polis peşəsi ilə yaxından tanış oldular

       presstvaz-a Daxili İşlər Nazirliyinin rəsmi mənbələrindən daxil olan məlumata əsasən, Balakən Rayon Polis Şöbəsində DİN-in Polis Akademiyasında təhsil almaq istəyən şagirdlər və onların valideynləri ilə görüş keçirilib.

Görüşdə Balakən RPŞ-nin rəisi, polis polkovniki Çingiz Aslanov polis peşəsinə maraq göstərən məktəblilərə məsuliyyətli davranmağın, sağlam həyat tərzi sürməyin və təhsilə xüsusi diqqət yetirməyin vacibliyini vurğulayıb.

       Tədbir zamanı Polis Akademiyasına qəbul qaydaları və şərtləri, ali təhsil müəssisəsində yaradılmış tədris, elmi və sosial mühit, kitabxana və laboratoriyalar, praktiki təlim bazası, kursantların sosial təminatı, eləcə də daxili işlər orqanlarının və Polis Akademiyasının tarixi inkişaf mərhələləri barədə şagirdlərə ətraflı məlumat verilib.

Daha sonra polisin gündəlik xidməti fəaliyyəti iştirakçıların diqqətinə çatdırılıb, xidməti avtomobillər, xüsusi texniki vasitələr və digər avadanlıqlar nümayiş etdirilib.

presstvaz – Azərbaycanın etibarlı informasiya mənbəyi.