Mikayıl Cabbarov Lord Con Olderdaysla görüşüb

İqtisadiyyat naziri Mikayıl Cabbarov Böyük Britaniyanın baş nazirinin Azərbaycan və Mərkəzi Asiya ölkələri üzrə ticarət elçisi Lord Con Olderdaysla görüşüb.

Bu barədə presstvaz-a İqtisadiyyat Nazirliyindən məlumat verilib.

Bildirilib ki, görüşdə qarşılıqlı iqtisadi-ticarət əlaqələrinin genişləndiyi vurğulanıb. Qeyd olunub ki, müxtəlif istiqamətlər üzrə tərəfdaşlıq münasibətlərinin gücləndirilməsi üçün böyük potensial var. Ticarət elçisinə Azərbaycanın Mərkəzi Asiya regionu ilə səmərəli əməkdaşlığına dair məlumat verilib və birgə təşəbbüslərin perspektivlərinə dair fikir mübadiləsi aparılıb.

Tərəflər iqtisadi əməkdaşlığın gündəmində olan prioritet fəaliyyət istiqamətləri, o cümlədən, Birləşmiş Krallığın İxrac Maliyyəsi Departamenti (UKEF) ilə səmərəli əməkdaşlıq, enerji keçidi, insan kapitalının inkişafı, Ələt Azad İqtisadi Zonası və sənaye zonalarında investisiya imkanları, biznes, ticarət, yüksək texnologiyalar və rəqəmsal transformasiya üzrə birgə fəaliyyətin təşviqi barədə müzakirə aparıblar.

16:10

İqtisadiyyat naziri Mikayıl Cabbarov Böyük Britaniyanın baş nazirinin Azərbaycan və Mərkəzi Asiya ölkələri üzrə ticarət elçisi Lord Con Olderdaysla görüşüb.

presstvaz xəbər verir ki, bu barədə nazir sosial şəbəkə hesabında paylaşım edib.

“Böyük Britaniyanın baş nazirinin Azərbaycan və Mərkəzi Asiya ölkələri üzrə ticarət elçisi Lord Con Alderdaysı ölkəmizdə qarşılamaqdan məmnun olduq. Birləşmiş Krallıq ilə iqtisadi əməkdaşlığın gündəmində olan prioritet fəaliyyət istiqamətləri, biznes, investisiya və ticarət tərəfdaşlığının gücləndirilməsi, enerji, yüksək texnologiyalar və rəqəmsal transformasiya sahələrində birgə fəaliyyətin təşviqi imkanları barədə fikirlərimizi bölüşdük”, – paylaşımda vurğulanıb.

Böyük Britaniyanın Baş nazirinin #Azərbaycan və Mərkəzi Asiya ölkələri üzrə ticarət elçisi cənab Lord Con Alderdaysı (@AlderdiceLord) ölkəmizdə qarşılamaqdan məmnun olduq.#BirləşmişKrallıq ilə #iqtisadi əməkdaşlığın gündəmində olan prioritet fəaliyyət istiqamətləri, #biznes,… pic.twitter.com/VYOB4x741F

— Mikayil Jabbarov (@MikayilJabbarov) December 10, 2025