Reper Makan Rusiya Milli Qvardiyasının elit xüsusi təyinatlı qüvvələrində xidmət edəcək

Reper Makan (Macan – əsl adı Andrey Kosolapov) Rusiya Milli Qvardiyasının elit xüsusi təyinatlı qüvvələrində xidmət edəcək.

Bu barədə presstvaz “SHOT” “Telegram” kanalına istinadən xəbər verir.

Məlumata görə, müğənninin xidmət edəcəyi qoşun bölməsi müəyyən edilib. 23 yaşlı Andrey Kosolapov “Vityaz” xüsusi təyinatlı mərkəzə təyin edilib.

Onun qarşısına qoyulan tapşırıq terrorizmə qarşı mübarizə, girovların xilas edilməsi və kütləvi iğtişaşların qarşısının alınmasıdır.

2002-ci ildə “vityazlar” “Nord-Ost” müziklində girovların xilas edilməsi əməliyyatında iştirak ediblər, bölmənin mövcud olduğu müddət ərzində isə ən azı 16 xüsusi təyinatlı Rusiya Federasiyasının Qəhrəmanı adına layiq görülüblər.

Oktyabrın 6-da Makan çağırış bildirişi aldığını və tezliklə ordu xidmətinə gedəcəyini açıqlayıb. Müğənni sarı medianı yalan danışmamağa çağırıb. O, heç vaxt ordudan gizlənmədiyinə də əmin edib.

Daha əvvəl bildirildiyinə görə, 23 yaşlı sənətçi son bir ildə altı çağırışa məhəl qoymayıb. İndi ondan yenidən hərbi komissarlığa gəlməsi tələb edilib – yeddinci çağırış onun Moskvanın Ramenki şəhərindəki qeydiyyat ünvanına göndərilib. Jurnalistlərin sözlərinə görə, reperə qarşı cinayət işi açmaq, onu federal axtarışa vermək və hesablarını dondurmaq istəyiblər.