Gəncədə milyonluq narkotik əməliyyatı: 1 milyon 600 min manatlıq heroin ələ keçirildi

Gəncə polisi idman çantasında 27 kq-dan artıq “ağ ölüm” daşıyan narkokuryeri saxlayıb

            Gəncə Şəhər Baş Polis İdarəsindən presstvaz-a daxil olan məlumata görə, şəhər ərazisində narkotik vasitələrin qanunsuz dövriyyəsinin qarşısının alınması istiqamətində növbəti uğurlu əməliyyat tədbiri həyata keçirilib.

İdman çantasından 27 kq heroin çıxdı Daxil olmuş əməliyyat məlumatı əsasında keçirilən tədbir zamanı narkokuryerlikdə şübhəli bilinən 33 yaşlı Ədil Ədilov saxlanılıb. Onun əlindəki idman çantasına baxış keçirilərkən yüksək təsiredici xassəyə malik, ümumi çəkisi 27 kiloqram 475 qram olan narkotik vasitə – heroin aşkar edilərək götürülüb.

           İran vətəndaşı ilə sosial şəbəkə sövdələşməsi Saxlanılan şəxs ilkin ifadəsində bildirib ki, külli miqdarda narkotik vasitəni sosial şəbəkədə tanış olduğu və şəxsiyyəti istintaqla araşdırılan İran vətəndaşı vasitəsilə əldə edib. Ə.Ədilovun planı bu zəhəri Gəncə şəhərinin müxtəlif ünvanlarına çatdıraraq “yerləşdirmə” üsulu ilə satışını təşkil etmək olub.

“Qara bazar” qiyməti: 1 milyon 600 min manat Mütəxəssislərin rəyinə əsasən, dövriyyədən çıxarılan heroinin “qara bazar”dakı ümumi dəyəri təxminən 1 milyon 600 min manat civarında qiymətləndirilir. Bu, son dövrlərdə bölgədə narkotik dövriyyəsinə vurulan ən ağır zərbələrdən biridir.

            Məhkəmə qərarı ilə həbs seçilib presstvaz  xəbər verir ki, faktla bağlı Gəncə Şəhər Baş Polis İdarəsində Cinayət Məcəlləsinin müvafiq maddələri ilə cinayət işi başlanılıb. Ə.Ədilov barəsində məhkəmənin qərarı ilə həbs qətimkan tədbiri seçilib. Hazırda cinayət zəncirinin digər üzvlərinin müəyyən edilməsi istiqamətində əməliyyat-istintaq tədbirləri davam etdirilir.

presstvaz   – Azərbaycanın etibarlı informasiya mənbəyi