Niderland şirkətinin baş direktoru: “Zəngəzur dəhlizi ilə Türkiyə anbar mərkəzinə çevriləcək”

“Zəngəzur dəhlizi ilə Türkiyə anbar mərkəzinə çevriləcək”.

presstvaz-ın “Dünya gazetesi”ne istinadən xəbərinə görə, bu sözləri Niderlandın “Raben Group” şirkətinin baş direktoru Evald Raben deyib.

Onun sözlərinə görə, “Raben Group” özünün əməliyyat mükəmməllik modelini Türkiyəyə gətirərək, Avropa və Asiya arasında strateji mərkəz yaratmağı hədəfləyir:

“17 ölkədə 170 anbar, 13 000 işçi və 2 milyon kvadratmetr anbar sahəsi ilə fəaliyyət göstərən şirkət Türkiyəni inteqrasiya olunmuş Avropa logistika şəbəkəsinə daxil edib. İyun ayında Türkiyədə fəaliyyətə başlayan şirkət Polşada inkişaf etdirdiyi uğurlu logistika modelini bu ölkədə tətbiq etməyə başlayıb. Şirkətin dövriyyəsi 2024-cü ilə qədər 2.2 milyard avroya çatıb”.

Evald Raben vurğulayıb ki, Zəngəzur dəhlizinin fəaliyyətə başlaması ilə Türkiyənin logistik rolu tamamilə dəyişəcək.

“Dəniz yolu ilə əlaqəli olan nəqliyyatın əhəmiyyətli bir hissəsi Türkiyə üzərindən istiqamətləndirilə bilər. Çatdırılma müddəti və xərc üstünlükləri qalıcı olarsa, Türkiyə Avropanı qidalandıran bir anbar mərkəzinə çevriləcək. Bu halda anbar sahəsinə investisiyalarımızı daha da artırmağı planlaşdırırıq”, – deyə o bildirib.