800 min dollara uçan avtomobillər – FOTOlar

Yaxın vaxtlarda Birləşmiş Ərəb Əmirliklərində uçan avtomobillər peyda olacaq. Hollandiyalı istehsalçı PAL-V 2027-ci ilin əvvəlində bölgəyə özünün Liberty uçan avtomobilini təqdim etməyə hazırlaşır.

presstvaz-ın xarici mediaya istinadənn xəbərinə görə, 12 illik sertifikatlaşdırma prosesindən sonra son tənzimləyici təsdiqi alan dünyanın ilk kommersiya məqsədli uçan avtomobili Əmirliklərdə şəxsi mobilliyi dəyişdirməyə hazırlaşır.

Dubayda yerləşən Aviterra aviasiya şirkəti 2024-cü ilin mart ayında PAL-V ilə 100-dən çox Liberty avtomobili almaq və Yaxın Şərq və Afrikada eksklüziv distribyutor olmaq üçün müqavilə imzalayıb.

Tərəfdaşlıq özəl aviasiya provayderi Jetex ilə əməkdaşlıq vasitəsilə bu ikili rejimli nəqliyyat vasitələrini BƏƏ səmasına gətirəcək.

PAL-V-nin kommersiya direktoru Marko van den Boş həm Avropa, həm də ABŞ aviasiya orqanlarının təsdiqini təsdiq edərək deyib: “Biz IATA-dan yekun imza almışıq”.

İstehsal gələn il Hollandiyada başlayacaq, 2026-cı ilin sonunda BƏƏ-də nümayiş uçuşları planlaşdırılır.

799.000 dollar dəyərində iki oturacaqlı Liberty cəmi beş dəqiqəyə yol avtomobilindən uçan avtomobilə çevrilir.

Sürmə rejimində üçtəkərli avtomobil 100 km/saat sürətə doqquz saniyədən az vaxt ərzində çatır, maksimal sürəti isə 160 km/saatdır.  Uçuş rejimində o, 400-500 km məsafəni, 180 km/saat maksimum sürəti təmin edir və 11.000 fut yüksəkliyə çata bilir.
Liberty minimal infrastruktur tələb edir – uçuş üçün cəmi 200 metr, eniş üçün isə 30 metr.

“Mənə Dubayın cənubundan şimalına uçmaq lazımdırsa, bunu beş dəqiqəyə edə bilərəm” deyən van den Boş şəhər sıxlığını aradan qaldırmaq potensialını vurğulayaraq izah edib. /Lent.az