Simion dörd ölkəni Rumıniyada seçkiyə müdaxilədə ittiham etdi

Rumıniyada keçirilən prezident seçkisinə müdaxilədə və müstəqil namizəd Nikuşor Danın qələbəsinin təmin edilməsi prosesində azı dörd ölkə iştirak edib.

presstvaz xəbər verir ki, bu barədə “Rumınların birliyi uğrunda Alyans”ın lideri Corc Simionun Konstitusiya Məhkəməsinə verdiyi şikayət və seçkinin ləğv edilməsi tələbində bildirilir.

Seçkidə uduzan siyasətçinin şikayətinə əsasən, müdaxilə Fransa, Polşa, Moldova və İspaniya tərəfindən həyata keçirilib. Keçmiş prezidentliyə namizəd seçicilərə təsir göstərmək dedikdə bu ölkələrin siyasətçilərinin ictimai çıxışlarını nəzərdə tutur, çünki onun sözlərinə görə, bu, səsvermənin nəticələrinə təsir edib.

Məsələn, Fransa prezidenti Emmanuel Makron seçkinin Rumıniyanın düzgün Avropa yolu üçün son dərəcə vacib olduğunu bildirib və Dana səs verməyə çağırıb.

Xatırladaq ki, mayın 18-də Rumıniyada keçirilən prezident seçkisində Buxarestin meri Nikuşor Dan 53.6 faiz səs toplayaraq qalib gəlib. Onun rəqibi Corc Simion 46.4% səs toplayıb.