Azərbaycan polisindən iri əməliyyat: 58 kq narkotik və silah arsenalı ələ keçirildi

DİN sutka ərzində 2 avtomat, tapança və 900 ədəd patronu qanunsuz dövriyyədən çıxarıb

           Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, martın 6-da ölkə ərazisində qanunsuz saxlanılan odlu silah-sursatın və narkotik vasitələrin aşkar olunaraq götürülməsi istiqamətində genişmiqyaslı əməliyyat və profilaktik tədbirlər həyata keçirilib.

Narkotik dövriyyəsinə ağır zərbə: 58,4 kiloqram “zəhər” Polis əməkdaşlarının martın 6-da keçirdikləri xüsusi əməliyyat tədbirləri nəticəsində narkotik vasitələrin qanunsuz dövriyyəsinə qarşı kəsərli addımlar atılıb:

• Ümumi çəkisi 58,4 kiloqramdan artıq narkotik vasitə aşkar olunaraq maddi sübut kimi götürülüb. Bu istiqamətdə şəbəkənin digər üzvlərinin müəyyən edilməsi üçün qətiyyətli mübarizə tədbirləri davam etdirilir.

Arsenal müsadirə olundu: Avtomatlar, tapança və yüzlərlə patron Eyni zamanda, paytaxt və respublikanın ayrı-ayrı rayonlarında qanunsuz saxlanılan odlu silahların yığılması istiqamətində də mühüm nəticələr əldə edilib. Sutka ərzində polis əməkdaşları tərəfindən:

• 2 ədəd avtomat silahı;

• 1 ədəd tapança;

• 8 ədəd tüfəng;

• 4 ədəd alışdırıcı və 8 ədəd patron darağı;

• 900 ədəd müxtəlif çaplı patron aşkar edilərək götürülüb.

presstvaz   xəbər verir ki, daxili işlər orqanlarının əməkdaşları tərəfindən həm narkotiklərlə, həm də qanunsuz silahlanma ilə bağlı əməliyyat-axtarış tədbirləri fasiləsiz olaraq icra edilməkdədir.