Kərə yağının təbiiliyini yoxlamaq üçün üsullar

Kərə yağının təbii olub-olmadığını necə yoxlamaq olar?

Marketlərdə satılan yağların hamısı göründüyü qədər təbii və saf olmaya bilər. Bəzilərinə bitki yağı, marqarin və ya nişasta qarışdırıla bilər. Amma xoş xəbər odur ki, ev şəraitində çox sadə üsullarla kərə yağının təbiiliyini yoxlamaq mümkündür.
Gəlin, ən təsirli üsullara baxaq

Tavada əridib müşahidə etmək (Əridilmə testi)
– Kiçik bir miqdar yağı təmiz tavaya qoyun və az odda əridin.
– Əriyərkən dibində qara ya da ağ tortu (təbii süd duzu) qalırsa və köpüklənirsə, bu təbii kərə yağıdır.
– Əgər tamamilə sulu şəkildə əriyirsə, dibdə heç nə qalmırsa, bu zaman marqarin və ya bitki yağları ilə qarışdırılmış ola bilər.

Soyuq suda həll olunma testi
– Kiçik bir parça yağı soyuq suya atın.
– Təbii kərə yağı top kimi qalacaq və suya yayılmayacaq.
– Əgər yağ suda çökürsə, dağılırsa və ya iz buraxırsa, bu onun saf olmadığını göstərə bilər.

Yandırmaq üsulu
– Yağın kiçik bir hissəsini çubuq kibritlə və ya çəngəllə tutub birbaşa alovda yandırın.
– Təbii kərə yağı yandıqda xarakterik süd iyi verəcək və yanacaq.
– Qarışıqlı yağlar isə ya yandırmaq çətindir, ya da tüstülü və pis qoxulu olur.

Qoxu testi
– Təbii kərə yağının yüngül süd və qaymaq qoxusu olur.
– Əgər yağa xas olmayan plastik, bitki yağı və ya marqarin qoxusu hiss olunursa, bu saxta olduğuna işarədir.

Otaq temperaturunda dayanma testi
– Yağı otaq temperaturunda 1-2 saat açıq şəkildə saxlayın.
– Təbii kərə yağı yumşalacaq, lakin tam əriyib maye halına gəlməyəcək.
– Əgər yağ çox tez sululaşırsa və dağılırsa, bu onun içində bitki yağı və marqarin qarışıqları olduğunu göstərə bilər.

Sirkə və nişasta testi (saxta qatqılar üçün)
– Kiçik miqdarda yağı əzin və içinə bir neçə damcı sirkə və yod əlavə edin.
– Rəng mavi və ya qəhvəyi olarsa, içində nişasta və qatqı ola bilər.

Kərə yağı qızıldan daha dəyərli ola bilər, amma yalnız saf və təbii olduqda!
Yuxarıdakı üsullarla ev şəraitində asanlıqla yoxlaya bilərsiniz. Ən əsası – qoxu, rəng, tekstura və reaksiyaları müşahidə edin. /milli.az