Məhkəmə yarım milyonluq dələduzluq edən şəxslə bağlı qərar verdi

Ali Məhkəmədə dələduzluqda təqsirləndirilən Rahib Nağdalıyevin barəsindəki hökmdən verilən kassasiya şikayəti üzrə məhkəmə iclası başa çatıb.

presstvaz Pravda.az-a istinadla xəbər verir ki, hakim İlqar Cəfərovun sədrliyi ilə keçirilən prosesdə qərar elan olunub.

Bildirilib ki, kassasiya şikayəti geri götürülüb.

Xatırlatma: Bakı Ağır Cinayətlər Məhkəməsinin hökmü ilə o, altı il müddətinə azadlıqdan məhrum edilib. Bakı Apellyasiya Məhkəməsi isə təqsirləndirilən şəxsin cəzasını iki ay azaldıb. İttihama görə, Rahib Nağdalıyev 12 nəfər zərərçəkmişə “Sədərək Ticarət Mərkəzi”ndə meyvə-tərəvəz biznesi ilə məşğul olduğunu bildirib. O, həmin şəxslərə biznesinə pul qoymaqla qazanc əldə edəcəyinə dair yalan vəd verib. Rahib Nağdalıyev bu yolla zərərçəkmişlərdən 2020-2022-ci illərdə paytaxt ərazisində ümumilikdə 546100 manat pulu dələduzluq yolu ilə ələ keçirib. Daha sonra o, verdiyi vədə əməl etməyib və zərərçəkmişlərin şikayəti əsasında saxlanılaraq cinayət məsuliyyətinə cəlb edilib.