ABŞ Rusiyaya vaxt qoydu: Ya atəşkəs, ya yeni sanksiyalar

Donald Trampın Administrasiyası Ukrayna ilə bağlı danışıqlar üçün aprel ayının sonunu şərti son tarix kimi nəzərdən keçirir və bu müddətə qədər Kremldən atəşkəs qərarı gözləyir.

presstvaz-ın məlumatına görə, bu barədə “Axios” öz mənbəsinə istinadən xəbər verir.

Bildirilir ki, əgər ayın sonuna qədər prezident Vladimir Putin atəşkəsə razılaşmasa, ABŞ Rusiyaya qarşı yeni sanksiyalar tətbiq etməyə hazırdır.

Qeyd olunur ki, bunlar həm Trampın icra fərmanı çərçivəsində sanksiyalar, həm də konqres tərəfindən qəbul edilmiş qanun səviyyəsində təsbit edilmiş sanksiyalar ola bilər. Birinci halda məhdudiyyətlərin ləğvi sadəcə prezidentin qərarı ilə mümkün olacaq, ikinci halda isə uzun bir prosedur tələb olunacaq ki, bu da praktikada onilliklərlə uzana bilər.

Belə görünür ki, Kremlə ultimatumu Trampın xüsusi elçisi Stiv Uitkoff gətirib; O bu gün Putinlə görüşməlidir.

Xatırladaq ki, aprelin 4-də Dövlət Departamentinin rəhbəri Marko Rubio ABŞ-nin “aylarla” gözləmək niyyətində olmadığını və Putinə düşünmək üçün bir neçə həftə vaxt verildiyini bəyan edib.