İtkin düşən balıqçıların yaxınları danışdılar: “Saat 4-dən evdən çıxıblar, qayıtmayıblar”

Mingəçevir su anbarının Samux rayonu ərazisinə düşən hissəsində iki nəfər batıb.

presstvaz   Baku TV-yə istinadən məlumat verir ki, hadisə su anbarının rayonun Qarağaclı kəndi yaxınlığındakı hövzəsində qeydə alınıb.

Batan şəxslərin balıqçılıqla məşğul olan Şəmkir rayonu, Çinarlı qəsəbəsi sakini, 26 yaşlı Müşfiq İsmayılov və Samux rayonu, Seyidlər kənd sakini, 22 yaşlı İsmayıl Şubliyev olduğu bildirilir.

İsmayıl Şubliyevin xalası Gözəl Həsənovanın sözlərinə görə, hadisə barədə səhər saatlarında xəbərdar olublar:

“Mingəçevirdə uşaqlarla işləyirdi. Dünən səhər hamıya xəbər çatdı ki, İsmayıl yoxdur. Hamımız bərbad gündəyik”.

“Dünən saat 4-dən balıq tutmaq üçün çıxıblar. Deyilənə görə, dənizdə dalğa olub, giriblər, qayıtmayıblar”, – su anbarında batan İsmayılın babası İsmayıl Şubliyev bildirib.

Hadisə yerinə cəlb edilən Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri tərəfindən batan şəxslərin axtarışları davam etdirilir.

Ətraflı süjetdə: