“Volvo EX90” elektrokarı satışa çıxarılarkən ciddi problemlə üzləşib

“Volvo” şirkəti yeni “Volvo EX90” elektrokarını satışa çıxararkən ciddi problemlə üzləşib.

Bu barədə  presstvaz “32cars” nəşrinə istinadən xəbər verir.

Məlumata görə, Çin akkumulyatorlarına idxal rüsumlarının artması səbəbindən şirkət qiyməti 3 300 dollar qaldırmağa məcbur olub. İndi elektrokarın qiyməti 81 290 dollardan başlayır.

“Volvo EX90″ın ABŞ-də yığılmasına baxmayaraq, onun üçün akkumulyatorları Çinin CATL şirkəti tədarük edir. Bu da maya dəyərinə mənfi təsir göstərir, ona görə də, “Volvo” fəal şəkildə ABŞ-də yeni təchizatçı axtarır. Mümkün tərəfdaşlar arasında Cənubi Koreyanın “SK On” və artıq ABŞ-də zavodları olan Yaponiyanın “AESC” şirkətləri var.

“Volvo EX90” 500 km-ə qədər gediş məsafəsi və 496 at qüvvəsinə qədər gücə malik geniş elektrokrossoverdir. Bununla belə, qiymətinin yüksək olması onu bir çox alıcı üçün əlçatmaz edir. Eyni zamanda, şəhər üçün elektrokar bazarı böyüməyə davam edir və “Volvo” rəqabəti nəzərə almalı olacaq.

Şirkət “EX90″ın ​​qiymətini aşağı sala biləcək yerli akkumulyator tədarükçüsü tapmağa ümid edir. Lakin hələlik sahiblər artan xərclərlə barışmalı olacaqlar.