Seymur Bəxşəliyev: ABŞ-də çalışan azərbaycanlı mühəndis

Azərbaycanın gənc və istedadlı mühəndislərindən biri olan Seymur Bəxşəliyev qazandığı böyük nailiyyətləri və peşəkar fəaliyyəti ilə diqqət mərkəzindədir. O, Azərbaycan Dövlət Neft və Sənaye Universitetində Neft və Qaz Mühəndisliyi üzrə bakalavr təhsili alıb və tələbəlik illərindən beynəlxalq layihələrdə fəal iştirak edib. Hazırda o, ABŞ-nin Atlantis Universitetində Biznes idarəçiliyi üzrə ikinci bakalavr dərəcəsini alıb.

Elmi sahədə Seymurun “Risk Assessment and Business Continuity Planning in Drilling Operations” adlı məqaləsi nüfuzlu “Sciences of Europe” jurnalında dərc edilib. Bundan əvvəl isə onun “İnnovasiyalar və onların biznesə təsiri” mövzusunda rus dilində yazdığı məqalə böyük maraq doğurmuşdu. O, eyni zamanda “АПНИ” jurnalında elmi məqalələrin rəyçisi kimi də fəaliyyət göstərir.

Seymur beynəlxalq mühəndislik müsabiqələrində uğurlar qazanaraq “İlin Mühəndisi” mükafatına layiq görülüb. Onun sahəsindəki dərin bilikləri və təcrübəsi ona beynəlxalq tədbirlərdə münsif kimi iştirak etmək imkanı yaradıb. O, tez-tez beynəlxalq müsabiqələrə hakim kimi dəvət olunur və gənc mütəxəssislərin inkişafına töhfə verir.

Bundan əlavə, o, SPE, IADC, NGWA, AZMIIB və “МАС ГНБ” kimi nüfuzlu beynəlxalq təşkilatların üzvüdür və burada aktiv iştirak edərək mühüm tədbirlərdə çıxışlar edir.

Hazırda ABŞ-də təhsilini davam etdirən Seymur, innovativ texnologiyalar və davamlı həllər əsasında öz şirkətini qurmağı və yeni iş yerləri yaratmağı hədəfləyir. Onun uğurları gənc mühəndislər üçün ilham mənbəyi olmaqla yanaşı, Azərbaycanın qlobal miqyasda tanınmasına mühüm töhfə verir.\oxu.az/