Qəzzada atəşkəs başladı

Qəzzada atəşkəs Bakı vaxtı ilə saat 12:15-də qüvvəyə minib.

presstvaz   xəbər verir ki, bu barədə TASS məlumat yayıb.

Fələstinin HƏMAS hərəkatı yanvarın 19-u bazar günü azad etməyi planlaşdırdığı üç israilli girovun adlarının siyahısını dərc edib. Əsir mübadiləsi sazişinin bir hissəsi olaraq, Romi Qonen (24), Emili Demari (28), Doron Ştainbreher (31) azad ediləcək.

12:31

Fələstinin radikal “HƏMAS” hərəkatı yanvarın 19-da atəşkəs çərçivəsində azad ediləcək girovların siyahısını vasitəçilərlə İsrailə ötürüb.

presstvaz   xəbər verir ki, bu barədə “Kan” telekanalı məlumat yayıb.

Bu arada, İsrailin milli təhlükəsizlik naziri İtamar Ben-Qvir HƏMAS ilə razılaşmaya etiraz olaraq istefa verib.

Qeyd edək ki, İsraillə HƏMAS arasında atəşkəs bu gün qüvvəyə minib.

10:40

Fələstinin radikal HƏMAS hərəkatı İsrailə azad ediləcək girovların siyahısını təqdim etməyənə qədər Qəzza zolağında atəşkəs başlamayacaq.

presstvaz-ın xəbərinə görə, bu barədə N12 telekanalı İsrailin baş naziri Benyamin Netanyahunun ofisinə istinadən məlumat yayıb.

Qeyd edək ki, atəşkəs Bakı vaxtı ilə saat 10:30-a planlaşdırılıb.