Masallıda faciə: Sürücülük hüququ olmayan gənc sükan arxasında həlak oldu

Avtomobili ona etibar edən şəxs isə yaralı halda xəstəxanaya yerləşdirilib

            Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, Masallı rayonunda sürücülük hüququ olmayan gəncin törətdiyi ağır yol-nəqliyyat hadisəsi ölümlə nəticələnib. Hadisə gecə saat 02:00 radələrində rayonun Mahmudavar kəndi ərazisində qeydə alınıb.

İdarəetməni itirərək daş hasara çırpılıb Məlumata əsasən, Orxan Zamanov həmkəndlisi Kənan Rufullayevə məxsus “Mercedes” markalı avtomobili sürücülük hüququ olmadan idarə edərkən qəza törədib. O, hərəkətdə olarkən idarəetməni itirərək yol kənarındakı daş hasara çırpılıb. Zərbənin güclü olması nəticəsində 21 yaşlı sürücü aldığı ağır xəsarətlərdən hadisə yerində dünyasını dəyişib. Avtomobili ona etibar edən K.Rufullayev isə müxtəlif dərəcəli bədən xəsarətləri ilə xəstəxanaya yerləşdirilib.

BDYPİ-dən SƏRT XƏBƏRDARLIQ: “Bu, geri dönüşü olmayan faciədir!” Baş Dövlət Yol Polisi İdarəsi baş vermiş hadisə ilə bağlı bir daha nəqliyyat vasitəsi sahiblərinə və sürücülərə müraciət edir:

• Avtomobili sürücülük hüququ olmayan şəxsə etibar etmək yol hərəkəti qaydalarının kobud şəkildə pozulmasıdır;

• Belə məsuliyyətsizlik çox vaxt ölümlə nəticələnən ağır fəsadlara yol açır;

• Valideynlər və avtomobil sahibləri gənclərin həyatını riskə atmamalı, qanunun tələblərinə ciddi riayət etməlidirlər.

presstvaz  xəbər verir ki, BDYPİ sürücülərdən həm özlərinin, həm də digər hərəkət iştirakçılarının təhlükəsizliyini təhlükə altına qoyan bu növ davranışlardan çəkinməyi tələb edir. Faktla bağlı araşdırmalar davam etdirilir.

presstvaz    – Azərbaycanın etibarlı informasiya mənbəyi