İnsanlar yazı yaranmazdan çox əvvəl məlumatları qeydə alırmışlar: Yeni elmi araşdırmanın nəticələri

Beynəlxalq tədqiqatçılar müəyyən ediblər ki, buzlaşma dövrü insanları yazı yaranmadan çox əvvəl məlumatı qeydə ala biliblər.

presstvaz xəbər verir ki , bu barədə “Science Daily” məlumat yayıb.

Tədqiqatda qeyd olunur ki, 40 min il əvvəl yaradılmış simvollar erkən mixi yazılarla müqayisə oluna biləcək quruluş və mürəkkəbliyə malikdir.

Saarland Universiteti və Berlində Erkən Tarix Muzeyinin alimləri 260 Paleolit dövrü artefaktında – alətlərdə, zərgərlik əşyalarında və fil sümüyü heykəlciklərində 3 000-dən çox simvolu təhlil ediblər. Onlar müəyyən ediblər ki, təkrarlanan xətlərin və nöqtələrin təsadüfi olmadığı, xüsusi ardıcıllıq təşkil etdiyi görünür.

Kompüter modelləri göstərib ki, bu simvolların informasiya sıxlığı eramızdan əvvəl III minillikdə yaranan proto-mixi yazıya bənzəyir. Dilçi Kristian Benzin qeyd edib ki, bu simvollar tam yazılı dil olmasa da, vizual simvollardan istifadə edərək məlumatı qeyd etmək və ötürmək bacarığının erkən mərhələsini göstərir.

Tədqiqatçılar vurğulayıblar ki, bu simvollar resursları izləmək, bilik ötürmək və qrup daxilində əlaqələndirmə üçün istifadə olunub. Kiçik və portativ obyektlər praktiki istifadəyə işarə edir, informasiyanı kodlaşdırmaq bacarığı isə onminlərlə il ərzində tədricən inkişaf edib.