Masallıda dəhşətli mənzərə: Antisanitar toyuq sexi aşkarlandı (VİDEO)

AQTA Banbaşı kəndində qanunsuz fəaliyyət göstərən kəsim məntəqəsini bağlayıb

           Azərbaycan Respublikasının Qida Təhlükəsizliyi Agentliyinin (AQTA) Mətbuat Xidmətindən presstvaz-a daxil olan məlumata görə, Agentliyin Lənkəran-Astara Regional Bölməsinin əməkdaşları tərəfindən Masallı rayonunda növbəti reyd keçirilib.

Nə təmizlik var, nə də sənəd Yoxlama tədbirləri rayonun Banbaşı kəndində fəaliyyət göstərən, Rövşən Cəfərbala oğlu Cəfərova məxsus toyuq kəsimi sexində aparılıb. presstvaz  xəbər verir ki, plandankənar yoxlama zamanı obyektdə qida təhlükəsizliyi və sanitar-gigiyena normalarının kobud şəkildə pozulduğu üzə çıxıb. Sexdə aşkar olunan əsas nöqsanlar bunlardır:

• Dezinfeksiya işlərinin aparılmaması və təmizlik üçün şəraitin olmaması;

• Qida ilə təmasda olan səthlərin yuyula bilən və korroziyaya davamlı materiallarla üzlənməməsi;

• Kəsim üçün gətirilən quşların heç bir müşayiətedici baytarlıq sənədinin olmaması.

Fəaliyyət məhdudlaşdırılıb Aşkar edilmiş faktlarla bağlı sahibkar barəsində inzibati protokol tərtib edilib. Qanunvericiliyin tələblərinə uyğun olaraq, sexin fəaliyyəti nöqsanlar tam aradan qaldırılanadək məhdudlaşdırılıb.

Həmin sexdən qeydə alınan görüntüləri təqdim edirik:

presstvaz  – Azərbaycanın etibarlı informasiya mənbəyi