BDYPİ-dən sürücülərə çağırış: Texniki baxış mərkəzləri yeni iş rejimində fəaliyyət göstərir

Lökbatan dairəsindəki Müayinə Mərkəzi həftənin hər günü sürücülərin xidmətindədir

       Baş Dövlət Yol Polisi İdarəsinin (BDYPİ) Mətbuat Xidmətindən presstvaz-a daxil olan məlumata görə, nəqliyyat vasitələrinin texniki sazlığı yol hərəkəti təhlükəsizliyinin əsas şərtlərindən biridir. Bununla əlaqədar, BDYPİ fiziki və hüquqi şəxsləri istifadələrində olan avtomobilləri vaxtında texniki baxışa təqdim etməyə çağırır.

Növbəsiz və operativ xidmət imkanı Müraciətdə bildirilir ki, paytaxtın Lökbatan dairəsindən Yeni Yasamal yaşayış massivinə gedən yolun 2-ci kilometrliyində yerləşən Müayinə Mərkəzi müasir avadanlıq və ölçü cihazları ilə təchiz edilib. Mərkəzdə sürücülərin məmnunluğunu təmin etmək və növbələrin yaranmaması üçün bütün zəruri şərait yaradılıb.

       İş saatları və əlaqə vasitələri presstvaz  xəbər verir ki, sözügedən mərkəz təkcə paytaxt sakinləri üçün deyil, respublikanın digər regionlarında qeydiyyatda olan avtomobillərə də xidmət göstərir. Mərkəzin iş qrafiki aşağıdakı kimidir:

• Bazar ertəsi – Şənbə: 09:00-dan 23:00-dək;

• Bazar günü: 09:00-dan 18:00-dək.

Sürücülər texniki baxışla bağlı yaranan suallara aydınlıq gətirmək üçün 012-511-08-40 nömrəli “qaynar xətt” ilə əlaqə saxlaya bilərlər. BDYPİ bir daha xatırladır ki, texniki baxışın vaxtında keçirilməsi həm qanuni tələb, həm də yollarda təhlükəsizliyin təminatıdır.

presstvaz  – Azərbaycanın etibarlı informasiya mənbəyi