Astarada narkotik əməliyyatı: 64 kiloqram marixuana və psixotrop həblər ələ keçirildi

Astara Rayon Polis Şöbəsinin əməkdaşları iki iri narkotaciri ifşa edib

       Astara Rayon Polis Şöbəsinin Mətbuat Xidmətindən presstvaz-a daxil olan məlumata görə, narkotik vasitə və psixotrop maddələrin qanunsuz dövriyyəsinə qarşı keçirilən ardıcıl əməliyyat tədbirləri nəticəsində külli miqdarda narkotik vasitə dövriyyədən çıxarılıb.

İlk əməliyyat: 43 kiloqram narkotik və həblər Polis əməkdaşlarının keçirdikləri tədbirlərlə əvvəllər də analoji cinayətlərə görə məhkum olunmuş 25 yaşlı Emin Quliyev saxlanılıb. presstvaz  xəbər verir ki, ondan 43 kiloqram marixuana və 1520 ədəd psixotrop tərkibli həb aşkarlanaraq götürülüb.

        Növbəti zərbə: Daha 21 kiloqram marixuana Şöbə əməkdaşlarının keçirdikləri növbəti uğurlu əməliyyat zamanı isə 35 yaşlı Yusif Xalıqov saxlanılıb. Baxış zamanı ondan 21 kiloqram marixuana aşkarlanaraq maddi sübut kimi götürülüb. Ümumilikdə hər iki əməliyyat nəticəsində 64 kiloqram narkotik vasitənin qanunsuz dövriyyəsinin qarşısı alınıb.

Faktlarla bağlı Astara RPŞ-də cinayət işləri başlanılıb. Məhkəmənin qərarı ilə hər iki şəxs barəsində həbs qətimkan tədbiri seçilib. Hazırda narkotik vasitələrin mənbəyinin müəyyən edilməsi istiqamətində araşdırmalar davam etdirilir.

presstvaz  – Azərbaycanın etibarlı informasiya mənbəyi