TƏCİLİ: Aeroport yolunda hərəkət məhdudlaşdırıldı – Sürücülər Zığ şosesinə yönləndirilir

NİİM-dən rəsmi açıqlama: Metal konstruksiyaların söküntü işlərinə başlanılıb

       Daxili İşlər Nazirliyinin (DİN) Nəqliyyatı İntellektual İdarəetmə Mərkəzindən (NİİM) presstvaz-a daxil olan son dəqiqə məlumatına görə, hazırda Suraxanı rayonu, Aeroport şosesində (“Buta Palace” yaxınlığında) mühüm təmir-bərpa işləri həyata keçirilir.

İstismar müddəti başa çatmış tablolar sökülür Məlumata əsasən, ərazidə istismar müddətini başa vurmuş elektron məlumat-sürət tablolarının yerləşdiyi metal konstruksiyanın bir hissəsinin söküntü işlərinə başlanılıb. Bu səbəbdən təhlükəsizliyin təmin edilməsi məqsədilə Hava limanı yolundan (Hava limanı körpüsündən) “Koroğlu” metro stansiyası istiqamətində nəqliyyat vasitələrinin hərəkətinə tam məhdudiyyət tətbiq edilib.

presstvaz  xəbər verir ki, hərəkətin fasiləsizliyini təmin etmək üçün sürücülər alternativ marşrutlara yönləndirilir:

• Mərdəkan şosesindən gələnlər: Alternativ yol olaraq Zığ şosesi istiqamətinə yönləndirilir.

Yol Polisi gücləndirilmiş iş rejimində çalışır Məhdudiyyətin tətbiq olunduğu müddətdə nəqliyyat vasitələrinin rahat və təhlükəsiz hərəkətini təmin etmək məqsədilə Dövlət Yol Polisi əməkdaşları tərəfindən ərazidə zəruri tədbirlər görülür.

       Sürücülərdən sıxlıq yaranmaması üçün öncədən alternativ yollardan istifadə etmələri xahiş olunur.

 presstvaz  – Azərbaycanın etibarlı informasiya mənbəyi