Xırdalanda qeyri-adi oğurluq: Öz yük maşınının çənini oğurluq yanacaqla doldurdu

Abşeron polisi “MAN”dan yarım ton yanacaq oğurlayan keçmiş məhkumu yaxaladı

       Daxili İşlər Nazirliyinin (DİN) Mətbuat Xidmətindən presstvaz-a verilən məlumata görə, Abşeron rayonu ərazisində yük avtomobilindən külli miqdarda yanacaq oğurlayan şəxs polis əməkdaşlarının keçirdiyi əməliyyat nəticəsində müəyyən edilərək saxlanılıb.

490 litr yanacağı öz maşınına töküb Hadisə Xırdalan şəhəri ərazisində baş verib. Məlumata görə, park edilmiş “MAN” markalı yük avtomobilindən 490 litr yanacaq gizli yolla talanıb. Abşeron Rayon Polis İdarəsinin əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuş 40 yaşlı R.Cahangirov saxlanılıb.

       presstvaz xəbər verir ki, araşdırmalar zamanı hadisənin maraqlı detalları üzə çıxıb. Məlum olub ki, R.Cahangirov oğurladığı yanacağı elə eyni markadan olan özünə məxsus yük maşınının çəninə dolduraraq istifadə edib.

Məhkəmə qərarı: 30 gün həbs Faktla bağlı toplanmış materiallar hüquqi qiymət verilməsi üçün məhkəməyə göndərilib. Məhkəmənin qərarı ilə R.Cahangirov barəsində 30 gün müddətinə inzibati qaydada həbs qətimkan tədbiri seçilib.

 presstvaz   – Azərbaycanın etibarlı informasiya mənbəyi