Vüsal Hüseynov “Yüksəliş” qalibi ilə görüşdü: Mentorluq Proqramında növbəti mərhələ

Dövlət Miqrasiya Xidmətinin rəisi kadr potensialının artırılması məsələlərini müzakirə edib

       Dövlət Miqrasiya Xidmətindən (DMX) presstvaz-a daxil olan məlumata görə, Xidmət rəisi, II dərəcəli dövlət miqrasiya xidməti müşaviri Vüsal Hüseynov Mentorluq Proqramı çərçivəsində dördüncü “Yüksəliş” müsabiqəsinin qalibi Şahlar Məmmədovla görüş keçirib.

Təcrübə mübadiləsi və inkişaf perspektivləri Görüş zamanı Mentorluq Proqramı çərçivəsində indiyədək həyata keçirilən fəaliyyətlər ətraflı təhlil edilib. presstvaz xəbər verir ki, görüşdə Şahlar Məmmədovun proqram müddətində mənimsədiyi biliklər və əldə etdiyi idarəçilik təcrübəsi yüksək dəyərləndirilib. Eyni zamanda, tərəflər gələcək inkişaf perspektivləri və idarəetmədə müasir yanaşmalar ətrafında geniş fikir mübadiləsi aparıblar.

“Yüksəliş” müsabiqəsi haqqında Qeyd edək ki, “Yüksəliş” müsabiqəsi Azərbaycan Respublikasının Prezidenti cənab İlham Əliyevin 2019-cu il 26 iyul tarixli Sərəncamı ilə təsis olunub. Müsabiqənin əsas məqsədi:

• İntellektual səviyyəsi yüksək olan kadrların aşkar edilməsi;

• İdarəçilik bacarıqları olan perspektivli şəxslərin dəstəklənməsi;

• Ölkədə müasir kadr ehtiyatı bankının yaradılmasıdır.

         Dövlət Miqrasiya Xidməti rəhbərliyi tərəfindən bu cür mentorluq fəaliyyətləri ölkədə yeni nəsil rəhbər şəxslərin yetişdirilməsinə töhfə vermək məqsədi daşıyır.

presstvaz    – Azərbaycanın etibarlı informasiya mənbəyi