Pəhriz və idmanın effektivliyini artırmaq üçün psixoloji metodlar

Birgə məşqlər və ya eyni məqsədi paylaşan insanlarla ünsiyyət arıqlama prosesini əhəmiyyətli dərəcədə sürətləndirə bilər.

presstvaz xəbər verir ki, Moskva Dövlət Psixologiya və Təhsil Universitetinin Ekstremal Psixologiya fakültəsinin dekanı Dmitri Deulin Gazeta.ru saytına açıqlamasında bildirib ki, bu hal “rəqabət effekti” adlanır və sağlam rəqabət vasitəsilə daha yaxşı nəticələr əldə etməyə kömək edir.

Deulinin sözlərinə görə, ortaq məqsədlərə və qarşılıqlı dəstəyə malik, eyni düşüncəli insanlardan ibarət komanda xüsusi əhəmiyyət daşıyır. Belə bir mühit geridə qalan şəxslərin motivasiyasını daha yaxşı dərk etməsinə kömək edir və şəxsi “dəstək sistemi” rolunu oynayır. Onlayn qrup, ailə üzvü və ya yaxın dost iməsuliyyət hissinizi qorumağa dəstək ola bilər.

Psixoloq vurğulayıb ki, tərəqqinin başqaları tərəfindən görünməsi və qiymətləndirilməsi də vacib amildir. Buraya təsdiqedici münasibət, heyranlıq və müsbət sözlər daxildir.

Onun sözlərinə görə, eyni zamanda, sağlamlıq və çəkiyə nəzarət protokolunun aparılması vacibdir. Qidalanma rejimini əvvəlcədən planlaşdırmaq həm müsbət dəyişiklikləri izləməyə, həm də nəticələr zəiflədikdə proqramı vaxtında tənzimləməyə imkan verir ki, bu da psixoloji baxımdan daha rahatdır.

Dmitri Deulin əlavə edib ki, mənfi təsir göstərən və həddindən artıq yemək vərdişinə səbəb olan amillərin aradan qaldırılması da arıqlama prosesində mühüm rol oynayır.

Onun fikrincə, emosional özünütənzimləmə üsullarını öyrənmək, həmçinin özünəinamı və özünəhörməti artıran, stresə davamlılığı gücləndirən və narahatlığı azaldan mütəxəssislərlə keçirilən ixtisaslaşmış təlimlər arıqlama prosesini daha effektiv şəkildə dəstəkləyir.