Əlverişsiz hava şəraiti yol hərəkəti iştirakçıları üçün risk yaradır

Sürücülərə diqqətli və ehtiyatlı olma çağırışı edilib

         Daxili İşlər Nazirliyinin Mətbuat Xidmətindən presstvaz-a verilən məlumata görə, əvvəlcədən xəbərdarlıq edildiyi kimi, hazırda ölkə ərazisində yol hərəkəti iştirakçıları üçün əlverişsiz hava şəraiti müşahidə olunur.

Yağıntı ilə əlaqədar yollarda sürüşmə riski xeyli artıb. Xüsusilə qar yağan və buzlaşma ehtimalı olan yol sahələrində sürüşkənliyin daha da gücləndiyi, bunun isə nəqliyyat vasitələrinin idarə olunmasını çətinləşdirdiyi bildirilir.

         Bu səbəbdən sürücülərdən hərəkət zamanı son dərəcə diqqətli və ehtiyatlı olmaları, öndə hərəkət edən nəqliyyat vasitələri ilə təhlükəsiz ara məsafəsi saxlamaları, müəyyən olunmuş sürət həddinə ciddi riayət etmələri, qəfil manevrlərdən çəkinmələri xahiş olunur.

Bir daha bütün yol hərəkəti iştirakçıları məsuliyyətli davranmağa, diqqətli olmağa və qarşılıqlı anlayış nümayiş etdirməyə çağırılır. Qeyd olunur ki, yol hərəkəti qaydalarına əməl etmək və ayıq-sayıq olmaq mümkün təhlükələrin qarşısını almağın əsas şərtidir.

  presstvaz  – Azərbaycanın etibarlı informasiya mənbəyi