İrəvandan TRİPP açıqlaması: Gizli plan var, müharibə səbəbi…

Bütün dünya TRİPP (və ya Zəngəzur dəhlizi) layihəsinin arxasında kommunikasiyaların açılması və davamlı sülhü görür, Robert Köçəryan isə “təhlükəsizlik riskləri”ni ön plana çıxararaq, layihəni pozmaq üçün əlindən gələni etməyə fokuslanıb.

presstvaz Teleqraf-a istinadən xəbər verir ki, bunu Ermənistan Baş naziri Administrasiyası rəhbərinin müavini Taron Çaxoyan deyib.

Ermənistan rəsmisinin fikrincə, TRİPP-in pozulması müharibənin başlanğıcı kimi qiymətləndirilə bilər, bu da Robert Köçəryanın rəhbərlik etdiyi müxalif qüvvələrin gizli planıdır:

“Köçəryan hansı dövlətə, kimin övladlarının qanı bahasına müharibə elan etdiyini desin? Yadına İran sərhədi indi düşüb? Bəs Mehri məsələsi (bu bölgənin Azərbaycana verilməsi) üzrə danışıqlar aparanda niyə bu barədə düşünmürdü?”

Çaxoyan xatırladıb ki, Azərbaycanın əsas hissəsi ilə Naxçıvan arasındakı dəmir yolu xətti Robert Köçəryanın Ermənistana rəhbərlik etdiyi dönəmdə sökülüb:

“Əgər o relslər qızıldan deyildisə, niyə söküb yediniz? Sizin dağıtdığınızı biz yaradırıq, üstəlik, bir də ad qoyursunuz. Heç kim Köçəryandan soruşmur ki, bu kasıb ölkədə necə dollar milyonçusuna çevrilib?”