Arzu Əliyevanın doğum günüdür – Bakı Media Mərkəzinin rəhbəri 23 yanvar tarixində anadan olub

Bu gün, 23 yanvar, Bakı Media Mərkəzinin rəhbəri Arzu İlham qızı Əliyevanın doğum günüdür.

       presstvaz xatırladır ki, Arzu Əliyeva 1989-cu ildə Bakı şəhərində anadan olub. Orta təhsilini 1995–2006-cı illərdə Bakının 160 saylı orta məktəbində, ali təhsilini isə İsveçrə və Böyük Britaniyada alıb. Xarici təhsil və beynəlxalq mühit onun dünyagörüşünün formalaşmasında mühüm rol oynayıb.

Arzu Əliyeva media və yaradıcılıq sahəsində fəaliyyətini ardıcıl şəkildə inkişaf etdirərək, ölkədə peşəkar media layihələrinin həyata keçirilməsinə töhfə verib. O, hazırda Bakı Media Mərkəzinin rəhbəri kimi fəaliyyət göstərir. Mərkəz tərəfindən hazırlanan sənədli və bədii filmlər, eləcə də audiovizual layihələr Azərbaycan həqiqətlərinin beynəlxalq ictimaiyyətə çatdırılmasında mühüm rol oynayır.

Media, mədəniyyət fəaliyyəti və şəxsi həyatı

       Arzu Əliyeva təkcə media idarəçiliyi ilə deyil, eyni zamanda mədəniyyət və kino sahəsində də fəal fəaliyyəti ilə tanınır. O, müxtəlif sənədli və bədii filmlərin prodüseri kimi çıxış edib, milli mədəniyyətin və tarixi həqiqətlərin təbliği istiqamətində layihələrə rəhbərlik edib. Onun rəhbərliyi ilə ərsəyə gələn ekran işləri ölkə daxilində və beynəlxalq platformalarda nümayiş olunub.

Arzu Əliyeva 2011-ci il sentyabrın 3-də azərbaycanlı iş adamı Səməd Qurbanovla ailə həyatı qurub. İki övladı var.

       presstvaz Azərbaycan xəbər portalının kollektivi adından Arzu Əliyevanı doğum günü münasibətilə səmimi-qəlbdən təbrik edir, ona möhkəm cansağlığı, uzun ömür, ailə səadəti və fəaliyyətində yeni uğurlar arzulayırıq.

presstvaz   – Azərbaycanın etibarlı informasiya mənbəyi