İrana xaricdən terrorçular gətiriblər – Pezeşkian

Onlar xaricdən ölkəyə terrorçular gətiriblər. Məscidləri yandırıblar, insanları yandırıblar, bəzilərinin başını kəsiblər. Bu insanlar bu ölkəyə aid deyillər. Əgər kimsə bu ölkəyə məxsusdursa, qoy etiraz etsin və biz də onların etirazını eşidib, dinləyib, həll edəcəyik. Onlar hadisə yerində günahsız insanları öldürürlər, yanğınlar törədirlər; bu, qəbul edilə biləcək bir şey deyil.

presstvaz xəbər verir ki, bu sözləri İran Prezidenti Məsud Pezeşkian deyib.

“Əziz xalqımızdan əvvəlki kimi, hər məhəllədə toplaşıb iğtişaşlara yol verməmələrini xahiş edirəm. Zehinlərində doğru və ya yanlış yaradılmış təhlillərə əsaslanaraq, iğtişaşçılara və terrorçulara aldanmamalarını xahiş edirik.

Amerika və İsrail orada oturub onlara öyrədirlər: "Davam edin, biz də buradayıq". Bu ölkəyə zərbə vuran və gənclərimizi, uşaqlarımızı öldürən eyni insanlar indi bu insanlara bu işi görməyi əmr edirlər: "Biz buradayıq, siz gedib dağıdın və biz sizin arxanızca gələcəyik".

Ailələr, sizdən xahiş edirəm, gənclərin başlarını kəsib öldürməyə gələn iğtişaşçılar və terrorçulara qarışmasına icazə verməyin. Qoy etiraz etsinlər. Etirazınızı dinləməliyik. Narahatlığınızı həll etməliyik. Gəlin əl-ələ verib birlikdə oturub həll edək”, – Pezeşkian bildirib.