Bakıda “Mədəniyyət və hüquq: müasir çağırışlar” mövzusunda forum keçirilib

Bakıda mədəniyyət və hüquq sahəsində aktual məsələlərə həsr olunmuş forum keçirilib

       presstvaz  xəbər verir ki, Bakıda “Mədəniyyət və hüquq: müasir çağırışlar” mövzusunda forum təşkil olunub. Tədbirdə mədəniyyət və hüquq sahəsində mövcud vəziyyət, bu sahələr arasında qarşılıqlı əlaqə, eləcə də müasir dövrdə yaranan yeni çağırışlar müzakirə edilib.

Forumda Azərbaycan Respublikasının mədəniyyət naziri Adil Kərimli, Vəkillər Kollegiyasının sədri Anar Bağırov, hüquqşünaslar, mədəniyyət sahəsinin nümayəndələri və digər rəsmi şəxslər iştirak ediblər. Çıxışlarda mədəni irsin qorunması, hüquqi mexanizmlərin təkmilləşdirilməsi və mədəniyyət sahəsində qanunvericiliyin tətbiqi məsələlərinə toxunulub.

Adil Kərimli və Anar Bağırov mədəniyyət və hüququn vəhdətinin vacibliyini vurğulayıblar

       Forumda çıxış edən mədəniyyət naziri Adil Kərimli mədəniyyət sahəsinin inkişafında hüquqi çərçivənin mühüm rol oynadığını qeyd edərək, bu istiqamətdə institusional əməkdaşlığın gücləndirilməsinin vacibliyini vurğulayıb. Nazir bildirib ki, müasir çağırışlar mədəniyyət sahəsində yeni yanaşmalar və hüquqi mexanizmlərin daim yenilənməsini zəruri edir.

Vəkillər Kollegiyasının sədri Anar Bağırov isə hüquq və mədəniyyətin bir-birini tamamlayan sahələr olduğunu diqqətə çatdırıb. O, mədəniyyət sahəsində çalışan şəxslərin hüquqi maarifləndirilməsinin, eləcə də hüquq ictimaiyyəti ilə mədəniyyət qurumları arasında əməkdaşlığın genişləndirilməsinin əhəmiyyətini vurğulayıb.

       Qeyd edək ki, forum çərçivəsində iştirakçıları maraqlandıran suallar cavablandırılıb, fikir mübadiləsi aparılıb və gələcək əməkdaşlıq perspektivləri müzakirə olunub.

presstvaz tədbirlə bağlı video materialı aşağıda təqdim edirik. 

Rəşad CƏFƏRLİ,

 Presstv.az – Azərbaycan xəbər portalı

presstvaz  – Azərbaycanın etibarlı informasiya mənbəyi.