Saytlara girişlə bağlı yaranmış texniki nasazlığın səbəbi bilindi – “Cloudflare”dən növbəti AÇIQLAMA

ABŞ-nin “Cloudflare” bulud servisində baş vermiş miqyaslı texniki nasazlığın səbəbi təhlükəli trafiki idarə etmək üçün avtomatik yaradılan konfiqurasiya faylı olub.

presstvaz   bildirir ki, bu barədə “Kommersant” nəşrinə məlumatı servisin Mətbuat Xidmətindən veriblər.

Məlumata görə, nasazlıq konfiqurasiya faylının gözlənilən ölçüdən böyük olması səbəbindən yaranıb, bu da “Cloudflare”in bir sıra xidmətlərinin trafikini emal edən proqram təminatının işində xətaya gətirib çıxarıb.

Azərbaycanın və bir çox dünya ölkələrinin bəzi saytlarına girişlə bağlı yaranan problemlər aradan qaldırılıb.

presstvaz   xəbər verir ki, bu barədə “Cloudflare” açıqlama yayıb.

Bildirilib ki, texniki insident həll edilib.

Hazırda xidmət bütün servislərin normal iş rejiminə tam qayıtdığından əmin olmaq üçün onların işini yaxından izləyir.

Qlobal səviyyədə internet resurslarının fəaliyyətində fasilələrlə bağlı növbəti açıqlama yayılıb.

presstvaz   xəbər verir ki, qlobal kibertəhlükəsizlik xidmətləri göstərən “Cloudflare” şirkəti “Cloudflare Access” və “WARP” xidmətlərinin tam bərpasını təmin edən dəyişikliklər etdiyini bildirib.

“Access” və “WARP” istifadəçiləri üçün xəta səviyyəsi hadisədən əvvəl olan normal göstəricilərə qayıtdı. Digər xidmətlərin bərpası üzrə işlər davam edir”, – məlumatda qeyd olunur.