Amerikalı gənc qız Cokerlə bağlı kolleksiyasına görə Ginnesin Rekordlar Kitabına düşüb

ABŞ-nin Bluminqton şəhərində (İndiana ştat) yaşayan Meqan Pirs Betmen haqqında komikslərin personajı Cokerlə bağlı əşyaların kolleksiyası sayəsində Ginnesin Rekordlar Kitabına düşüb.

presstvaz xəbər verir ki, bu barədə ABŞ-nin “Upi” nəşri yazıb.

22 yaşlı qız bildirib ki, uydurma DC şəhərindən bu qorxunc qəhrəmanla bağlı əşyaları hələ məktəbdə oxuyarkən toplamağa başlayıb. Tezliklə o, cürbəcür fiqurlardan, komikslərdən tutmuş diyircəkli konki, skeytbord və 1966-cı ildə istehsal edilmiş süd butulkalarının qapaqlarına qədər böyük kolleksiya toplayıb.

O, COVID-19 pandemiyası zamanı karantində olarkən sosial şəbəkələrdə kolleksiyası haqqında məlumat dərc etməyə başlayıb. Kanalının abunəçiləri onu Ginnesin Rekordlar Kitabına müraciət etməyə inandırıblar. Kolleksiyaçı bu işə 2023-cü ildə başlayıb.

Pirs 2318 tematik əşyadan ibarət kolleksiyası ilə yeni dünya rekordu müəyyən edib. O bildirib ki, hobbisi sayəsində bir neçə animasiya layihəsində və videooyunda Cokeri səsləndirmiş aktyor Mark Hemillə tanış olub, habelə digər kolleksiyaçılarla dostluq etməyə başlayıb.