İsrailin saxladığı üç türkiyəli deputat ölkələrinə qayıdıb

İsrail tərəfindən Azərbaycana təxliyə edilən üç türkiyəli deputat artıq ölkələrinə qayıdıblar.

presstvaz xəbər verir ki, bu barədə Türkiyə Xarici İşlər Nazirliyinin (XİN) sözçüsü Öncü Keçeli “X” sosial şəbəkəsində məlumat yayıb.

Onun sözlərinə görə, Qəzzaya yardım aparan gəmilərdən birində olan digər 18 Türkiyə vətəndaşı isə oktyabrın 10-da günorta saatlarında Türk Hava Yolları tərəfindən təşkil olunacaq xüsusi reyslə ölkəyə gətiriləcək.

XİN rəsmisi əlavə edib ki, həmin reyslə üçüncü ölkə vətəndaşı olan təxminən 80 fəalın da təxliyə edilməsi nəzərdə tutulur.

09 oktyabr, 14:33

Azadlıq Donanmasında saxlanılan 3 türk millət vəkili Türkiyəyə qayıtmaq üçün təyyarə ilə Azərbaycana yola düşüb.

presstvaz-ın xəbərinə görə, bu barədə Türkiyə Xarici İşlər Nazirliyinin sözçüsü Öncü Keçeli öz “X” hesabında məlumat verib.

“İsrail tərəfindən saxlanılan üç millət vəkilimiz Türkiyəyə qayıtmaq üçün Azərbaycana yola düşüb. Digər vətəndaşlarımızın da sabah xüsusi reyslə ölkəmizə qayıtmasını təşkil etmək üçün səylərimizi davam etdiririk.

Bu uçuş uğurlu olarsa, qeyd olunan səfərlə üçüncü ölkə vətəndaşlarının da təxliyəsini gözləyirik”, – deyə o paylaşımda bildirib.