“Ford”un rəhbəri oğlunu hansı səbəbdən qaynaqçı işləməyə yolladığını açıqladı

“Ford” şirkətinin baş direktoru Cim Farli 17 yaşlı oğlu Ceymsonun yay tətilini qaynaq sexində keçirdiyini bildirib.

presstvaz-ın “Business Insider”ə istinadən məlumatına görə, bu barədə Farli “Decoder” podkastının buraxılışında danışıb.

O bu addımı atmaqla oğluna həm praktiki bacarıqlar, həm də işçilərlə ünsiyyətin əhəmiyyətini öyrətmək istədiyini vurğulayıb.

“Mən onun yay işinin olmasını təmin etdim. Orada o qaynaq etməyi, məhsul hazırlamağı, əlləri ilə işləməyi və insanlarla münasibət qurmağı öyrəndi”, – deyə Farli qeyd edib.

Şirkət rəhbəri əlavə edib ki, oğlu peşəkar qaynaqçı və ya “Ford”un supergüclü dizel mühərriklərini təmir edən mexanik olsa, valideyn kimi çox qürurlanardı.

Farli, həmçinin bu qərarı ilə elit universitet məzunlarının həddən artıq dəyərləndirildiyi, fəhlə peşələrinin isə kifayət qədər qiymətləndirilmədiyi tendensiyaya meydan oxumaq istədiyini bildirib:

“Google” ayaqqabı istehsal etməyəcək, amma “Ford” edəcək”, – deyə o, fikrini əsaslandırıb.