Presstvaz Xronikası: Vətən müharibəsinin yeddinci günü

Azərbaycan Ordusunun uğurlu əməliyyatları davam edir

       presstvaz xatırladır ki, Vətən müharibəsinin yeddinci günü – 3 oktyabr 2020-ci il tarixində Azərbaycan Ordusu əməliyyat üstünlüyünü qoruyaraq yeni uğurlar əldə edib. Düşmənin müxtəlif istiqamətlərdə mövqeləri darmadağın edilib, işğalçı qüvvələrin canlı qüvvəsi və texnikası sıradan çıxarılıb.

       Əsgərlərimizin irəliləməsi nəticəsində cəbhənin bir neçə strateji ərazisi nəzarət altına götürülüb. Azərbaycan Silahlı Qüvvələrinin dəqiq zərbələri nəticəsində düşmənin hərbi sursat anbarları və mühüm infrastruktur hədəfləri məhv edilib.

        Müharibənin bu günü də mənfur düşmən mülki əraziləri hədəfə alaraq dinc əhalini atəşə tutub. Lakin bütün bu təxribatlara baxmayaraq, Azərbaycan xalqı və Ordusu Ali Baş Komandanın ətrafında sıx birləşərək qələbə əzmini daha da möhkəmləndirib.

       Bu günlərdə Ordumuzun qəhrəmanlığı xalqımızın yaddaşında əbədi iz buraxır və hər bir gün yeni qələbə səhifəsi kimi tarixə yazılır.

Rəşad  CƏFƏRLİ,

Mənbə: Presstv.az – Azərbaycan xəbər portalı

“Presstv”az  – Azərbaycanın etibarlı informasiya mənbəyi.