İsveç özünün nüvə silahını yaradır?

İsveçdə özünün nüvə silahının yaradılması imkanları ilə bağlı müzakirələr başlayıb.

presstvaz-ın xəbərinə görə, bu barədə Britaniyanın “Times” qəzeti məlumat verib.

Materialda bildirildiyinə görə, bir müddət əvvəl İsveç qəzetlərində dərc olunan bir sıra məqalələrdən sonra ölkədə müzakirələr alovlanıb ki, Stokholm növbəti dəfə atom bombası əldə etməyə cəhd üçün təkbaşına hərəkət etməlidir, yoxsa Şimali Atlantika Alyansından olan müttəfiqləri ilə əməkdaşlıq etməlidir.

Özünün nüvə silahının yaradılması ideyası hələ praktiki şəkildə tətbiq olunmasa da, artıq İsveç siyasi arenasında müzakirə olunmağa başlayıb. Alimlərin və ekspertlərin fikrincə, İsveç çətin ki, müstəqil nüvə silahının yaradılması üçün lazımi texnoloji və resurs bazasına malik olsun. Ölkədə altı atom elektrik stansiyası fəaliyyət göstərir, lakin onlar 40 ildən çox əvvəl tikilib.

Ekspert Martin Qoliafın sözlərinə görə, isveçlilər nüvə silahı üçün lazım olan materialların istehsalı üçün bütün infrastruktur da daxil olmaqla, çox şeylər üzərində iş aparmalıdırlar. Bu, böyük sərmayələr tələb edəcək, ona görə də lazımi resursları tapmaq praktiki olaraq mümkünsüz olacaq.