"iPhone"un bu modeli ləğv edilə bilər – Qiymət artımı olacaq

"Apple" sentyabrın 9-da "iPhone 17" seriyasını təqdim etməyə hazırlaşır və mənbələr bildirir ki, şirkət Pro seriyasında strateji dəyişikliklər etməklə gizli qiymət artımı tətbiq edə bilər.

presstvaz xəbər verir ki, "Apple" 128GB giriş səviyyəli Pro modelini ləğv edə bilər, istifadəçiləri 256GB versiyasını almağa sövq edəcək. Bu, orta satış qiymətini artıracaq.

Ayfon-17 Pronun başlanğıc qiyməti sələfi ilə müqayisədə 200 dollar artacaq.

Ayfon-17-nin baza modeli 799 dollarlıq başlanğıc qiymətini və 128 GB daxili yaddaşı saxlayacaq. Bununla belə, Ayfon- 17 Pro və Ayfon- 17 Pro Maksın qiyməti fərqli olacaq. Hər iki modelin baza versiyası indi 256 GB daxili yaddaşla təchiz olunacaq.

Ayfon-17 Pro 1199 dollara başa gələcək ki, bu da 128 GB-lıq versiya üçün 999 dollardan başlayan Ayfon-16 Prodan 200 dollar bahadır.

Qiymət artımının əsas səbəbi Trampın tarifləri və Çinə tətbiq edilən əlavə xərclərdir; şirkət cari rübdə tarif xərclərinin 1,1 milyard dollara çata biləcəyini açıqlayıb.

TrendForce proqnozlaşdırır ki, Pro seriyası iPhone 17-nin əsas satış sürücüsü olacaq, lakin qlobal iqtisadi vəziyyət və yüksək qiymətlər ümumi tələbi zəiflədə bilər.

Yeni strategiya "Apple"ın premium modellərdə gəliri artırmaq və istifadəçiləri daha yüksək yaddaşlı cihazlara yönləndirmək cəhdidir.