Azərbaycan polisi axtarışda olan 15 dələduzu yaxaladı: Sutkalıq əməliyyat nəticələri

DİN narkotiklərin qanunsuz dövriyyəsinə qarşı mübarizəni də qətiyyətlə davam etdirir

           Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, martın 10-da ölkə ərazisində dələduzluq törətməkdə şübhəli bilinən şəxslərin tutulması və narkotik vasitələrin dövriyyədən çıxarılması istiqamətində uğurlu əməliyyat tədbirləri həyata keçirilib.

Dələduzluğa görə axtarılanlar istintaqa cəlb olundu Polis əməkdaşlarının martın 10-da keçirdikləri operativ əməliyyat tədbirləri nəticəsində:

• Dələduzluq cinayətlərinə görə uzun müddətdir axtarışda olan 15 nəfər saxlanılıb;

• Həmin şəxslər barəsində qanunvericiliyə uyğun tədbirlər görülməsi üçün aidiyyəti üzrə istintaq orqanlarına təhvil veriliblər.

5 kiloqramdan artıq narkotik dövriyyədən çıxarıldı Eyni zamanda, narkotik vasitələrin qanunsuz dövriyyəsinin qarşısının alınması istiqamətində keçirilən tədbirlər də nəticəsiz qalmayıb:

• Sutka ərzində ümumi çəkisi 5 kiloqramdan artıq narkotik vasitə aşkar edilərək maddi sübut kimi götürülüb.

presstvaz  xəbər verir ki, daxili işlər orqanları tərəfindən həm mülkiyyət əleyhinə olan cinayətlərin, həm də “ağ ölüm”ün yayılmasının qarşısının alınması məqsədilə profilaktik və əməliyyat tədbirləri fasiləsiz olaraq icra edilməkdədir.

presstvaz  – Azərbaycanın etibarlı informasiya mənbəyi