Polşanın Ukrayna ilə sərhədində baş verən partlayışın SƏBƏBİ BİLİNDİ

Polşanın şərqindəki Ukrayna ilə Lyublin voyevodalığının Osinı kəndi yaxınlığında aşkar edilən partlamış naməlum obyektin qəzaya uğramış hərbi pilotsuz uçan aparat olduğu məlum olub.

presstvaz xəbər verir ki, bu barədə “Polsat News” Lyublin prokuroru Qjeqoj Truseviçə istinadən məlumat yayıb.

Prokuror vurğulayıb ki, çox güman ki, dron partlayıcı qurğunun təsiri nəticəsində zədələnib. Qeyd olunur ki, bunlar ekspertizanın ilkin məlumatlarıdır.

14:50

Polşanın şərqində, Ukrayna ilə sərhəddən təqribən 100 km aralıda yerləşən Lyublin voyevodalığının Osinı kəndi yaxınlığında naməlum obyekt düşüb və partlayıb.

presstvaz xəbər verir ki, bu barədə “Reuters” Polşadakı yerli polisdəki mənbəyə istinadən məlumat yayıb.

Bildirilir ki, kənddəki qarğıdalı sahəsinə gecə saatlarında naməlum obyekt düşüb və partlayıb. Hadisə yerində yanmış metal və plastik qalıqları aşkar edilib. Hadisə zamanı xəsarət alan olmasa da, partlayış dalğası bir neçə evin şüşələrini sındırıb. Mütəxəssislər dağıntıları araşdırmaq üçün hadisə yerində işləyirlər.

Ukrayna hərbçilərinin hesabatına əsasən, ölkənin Volın və Lvov vilayətlərinin sərhədində təxminən 1 saat ərzində GMT ilə saat 9 radələrində hava hücumu sirenləri səslənib.

Yerli hakimiyyət orqanları hələlik obyektin hərbi, yoxsa mülki fəaliyyətlə bağlı olduğunu müəyyən etməyib.