Yaponiyada faciə: İki idmançı öldü – Boks Komitəsi qaydaları dəyişdi

Yaponiyada keçirilən iki fərqli boks qarşılaşması faciə ilə nəticələnib. Döyüşlər zamanı beyin xəsarəti alan idmançılardan biri ölüb, digəri isə əməliyyat olunub. Bu insidentlə əlaqədar Yaponiya Boks Komitəsi təhlükəsizlik məqsədilə titul döyüşlərinin 12 raunddan 10 raunda endirilməsi barədə qərar verib.

presstvaz bu barədə “Haber Global”a istinadla xəbər verir.

Bildirilir ki, avqustun 2-də Tokiodakı “Korakuen Hall” arenasında keçirilən qarşılaşmada Hirosama Urakava, Yoci Saito ilə qarşılaşmada aldığı zərbələr səbəbindən beyin qanaması keçirib və təcili əməliyyat olunub. O, bu gün xəstəxanada vəfat edib.

Həmçinin həmin gün Tokiodakı “Korakuen Hall” arenasında keçirilən Şərqi Asiya və Sakit Okean Boks Federasiyası (OPBF) superyüngül çəkidə çempionluq döyüşündə yaponiyalı Şigetosi Kotari aldığı zərbələr nəticəsində beyin qanaması keçirib. 12 raund davam edən və heç-heçə bitən qarşılaşmadan sonra ringi tərk edən 28 yaşlı boksçu bir qədər sonra huşunu itirib və xəstəxanaya aparılıb. Həkimlər onun beynində subdural hematom aşkarlayaraq təcili əməliyyat ediblər. Ancaq onun vəziyyəti əməliyyatdan sonra da yaxşılaşmayıb və idmançı ötən gün vəfat edib.