Tailand Kamboca ilə münaqişəyə görə dəyən zərərin məbləğini açıqladı

Tailand hakimiyyəti ilkin olaraq Kamboca ilə münaqişə nəticəsində dəyən iqtisadi zərəri 300 milyon dollardan çox qiymətləndirib.

presstvaz-ın “Reuters” agentliyinə istinadən verdiyi xəbərə görə, bu barədə ölkənin baş nazirinin müavini, maliyyə naziri Phiçay Çunhavaçira bildirib.

O, dəymiş ziyanın daha çox ola biləcəyini istisna etməyib. Krallığın hökuməti Kamboca-Tailand sərhədində beş gün davam edən silahlı toqquşmaların nəticələrini aradan qaldırmaq üçün ilkin olaraq 618 milyon dollar ayırmağı planlaşdırır.

Xatırladaq ki, 2025-ci il mayın 28-də Tailand əsgərləri Kambocanın Preahvihear əyaləti ilə Tailandın Ubonraçathani əyaləti arasında mübahisəli ərazidə Kamboca hərbi postuna atəş açdıqdan sonra Kamboca ilə Tailand arasında münasibətlər sürətlə pisləşməyə başlayıb. İyulun 24-də sərhəd bölgələrində və Tamoanthom, Tamoantauç və Takrabey məbədləri ətrafında silahlı toqquşmalar baş verib. Hər iki tərəfdən onlarla insan həlak olub, yüzlərlə insan yaralanıb.