Skandinaviya ölkələri Rusiya ilə mümkün müharibəyə fəal hazırlıq görürlər

İsveç, Norveç, Danimarka və Finlandiya Rusiya ilə müharibə təhlükəsindən ehtiyatlanaraq fəal şəkildə silahlanmağa başlayıblar.

presstvaz xəbər verir ki, bu barədə “The Wall Street Journal” məlumat verib.

Qeyd olunur ki, Skandinaviya ölkələri Rusiya ilə bağlı narahatlıqlarını bölüşürlər və Danimarka kəşfiyyatı bu yaxınlarda apardığı araşdırmaya əsasən Rusiyanın yaxın üç-beş il ərzində Avropanın NATO-ya üzv ölkələrindən birinə qarşı böyük müharibəyə başlaya biləcəyinə dair nəticəyə gəlib.

Məqalədə bildirilir ki, İsveç sualtı qayıqlar, tanklar və döyüş təyyarələri istehsal edən mütərəqqi müdafiə sənayesinə, Norveç Arktikada dəniz müşahidəsi və döyüş qabiliyyətinə, Finlandiyanın böyük ordu və artilleriya qüvvəsinə, Danimarka xüsusi təyinatlıları isə Əfqanıstan və İraqın ən təhlükəli bölgələrinə yerləşdirilməkdə çoxillik təcrübəyə malikdir.

“Beşinci Skandinaviya ölkəsi olan İslandiyanın daimi ordusu və ya müdafiə sənayesi yoxdur”, – deyə müəlliflər əlavə ediblər.