Lavrov: “Moskva və Vaşinqton arasında danışıqlar çox adi bir şeydir”

Rusiya xarici işlər naziri Sergey Lavrov hesab edir ki, Rusiya ilə ABŞ arasında münasibətlərin normallaşdırılması üçün potensial mövcuddur.

presstvaz-ın TASS-a istinadla verdiyi məlumata görə, bu barədə Rusiya XİN rəhbəri Antaliya Diplomatik Forumunda Moskva ilə Vaşinqtonun münasibətlərin normallaşdırılması üçün daha fəal addımlar atmaq potensialının olub-olmadığı ilə bağlı sualı cavablandırarkən deyib.

“Potensial həmişə var”, – deyə o vurğuylayıb.

Lavrovun fikrincə, ABŞ ilə Rusiya və ya ABŞ ilə Çin arasında yaxşı münasibətlərin olmasında heç bir pis şey yoxdur.

“Hazırda bizimlə ABŞ prezidenti Donald Trampın administrasiyası arasında baş verənlər əslində çox sadə məsələdir. Ölkələr bir-birinə diktə etmədən, hər hansı ilkin şərtlər tələb etmədən danışırlar. Onlar sadəcə bir-biri ilə söhbət edirlər”, – deyə Rusiya XİN rəhbəri qeyd edib.

Lavrov əlavə edib ki, Rusiya və ABŞ Vaşinqtonun birgə layihələrlə bağlı təklifini müzakirə edirlər və Moskva bunu rədd etməyib.

“Biz hansı birgə layihəni nəzərdən keçirə və birgə müzakirə edə biləcəyimizə baxmaq istəyirik. Bu, amerikalıların təklifi idi. Biz heç vaxt iqtisadiyyat sahəsində, münaqişələrin həlli sahəsində əməkdaşlıq təkliflərini rədd etməmişik, heç vaxt”, – deyə Lavrov bildirib.